"Xiaomi" şirkəti futbol azarkeşləri və Argentina milli komandası üçün "Redmi Note 13 Pro+" smartfonunun eksklüziv versiyasını təqdim edib.

Bu barədə İqtisadiyyat.az "Mobiltelefon"a istinadən xəbər verir.

Hazırda futbol üzrə dünya çempionlarına həsr olunmuş smartfonun arxa paneli komandanın kapitanı Lionel Messinin geyindiyi komandanın 10 nömrəli formasını təqlid edən dizayndır.

Futbolçunun özü reklamda iştirak etmir və telefonun arxa panelində çap olunmuş formada onun adı çəkilmir.

Qeyri-adi dizayna malik "Redmi Note 13 Pro+" hazırda yalnız Hindistanda mövcuddur. Cihazın 12/512 GB-lıq versiyası mayın 15-də təxminən 420 dollara satışa çıxarılacaq.

 

Gözəl Həşimova