"WhatsApp" tərtibatçıları messencerdə stikerlərin yaradılmasını asanlaşdırıblar.

İqtisadiyyat.az "WABetaInfo"ya istinadən xəbər verir ki, “WhatsApp”ın versiyalarından birində birbaşa fotodan stikerlər yaratmaq üçün nəzərdə tutulmuş funksiya aşkar edilib.

Məlumata görə, "WhatsApp"ın Android üçün beta versiyasında 2.24.6.5 kod nömrəli stiker redaktoru tapılıb ki, bu da istənilən şəkli stikerə çevirə bilir. Bunun üçün sadəcə bir şəkili açmaq, seçimlər bölməsini klikləmək, sonra isə açılan menyudan stiker yarat bölməsini seçmək lazımdır.

Bildirilib ki, bu yanaşma stikerlərin yaradılmasını xeyli asanlaşdıracaq və sürətləndirəcək.

 

Gözəl Həşimova