“WhatsApp” istifadəçilərin məxfiliyini gücləndirmək üçün çoxdan gözlənilən funksiyasını təqdim edib.
İqtisadiyyat.az “WABetaInfo” portalına istinadən xəbər verir ki, “WhatsApp” zənglər zamanı məxfiliyin artırılması üçün IP ünvanının qorunmasını təqdim edir.
Məlumata görə, “WhatsApp”ın ən son beta versiyasında səsli və video zənglər zamanı IP ünvanının qorunması funksiyası var. Bu funksiya “WhatsApp” istifadəçilərinə zənglər edərkən IP ünvanlarını gizlətməyə imkan verir.
IP ünvanının qorunması artıq “WhatsApp” beta versiyasında həm Android, həm də iOS “iPhone” telefonları üçün mövcuddur. Bu funksiyanı aktivləşdirmək üçün istifadəçilər “WhatsApp”ın parametrlərinə keçməli, “Məxfilik” bölməsinə daxil olmalı və IP ünvanının qorunmasını aktivləşdirməlidirlər.
Gözəl Həşimova
