Vyetnamda Hanoy məhkəməsi Milli Gigiyena və Epidemiologiya İnstitutunun keçmiş baş mühasibi Nquyen Hoanq barəsində hökm çıxarıb. 

İqtisadiyyat.az “Bloomberg”ə istinadən xəbər verir ki, o, 152 milyard donqdan (6,2 milyon dollar) çox pul mənimsəməkdə təqsirli bilinib.

Hoanq 2009-cu ilin martından 2023-cü ilin fevralına qədər mənimsəmədə ittiham olunur. Bildirilirb ki, o, 2009-cu ildən 2017-ci ilə qədər maliyyə hesabatlarını dəyişib. Hoanq ona qarşı irəli sürülən ittihamları etiraf edərək, pulların şəxsi ehtiyaclara və qumara xərcləndiyini bildirib.

Məlumatda o da bildirilirib ki, institutun iki direktoru və daha bir keçmiş baş mühasib bir neçə maddə ilə təqsirli bilinərək 3 ildən 4 ilədək müddətə azadlıqdan məhrum ediliblər.

 

Sadiq Cavadov