"Sumqayıt" klubunun hücumçusu Vüsal İsgəndərli karyerasını ölkə xaricində davam etdirə bilər.
İqtisadiyyat.az-a açıqlamasında futbolçu ölkə xaricindən təkliflərinin olduğunu doğrulayıb.
"Ölkə xaricindən və ölkədə mənimlə maraqlanan klublar var. Hansı ölkə olduğunu rəsmi təklif gələcəyi halda açıqlaya bilərəm"
Futbolçu ölkə xaricindən rəsmi təklif gələcəyi halda ora rahat yollanacağını da bildirib.
"Sumqayıt"la müqaviləmdə bənd var ki, ölkə xaricindən təklif gələrsə, azad agent kimi ora yollana bilərəm"
Qeyd edək ki, Vüsal bu mövsüm Premyer Liqada 34 oyunda iştirak edib. Futbolçu 2022/2023 mövsümündə 6 qol vurub və 3 assist edib.
