Həkimlər xəsarət alan şəxslərin vəziyyətinin bərpa olunması ilə bağlı ciddi səylə çalışırlar. Yaralıların müalicəsi davam etdirilir.
APA xəbər verir ki, bu barədə TƏBİB-in İdarə Heyətinin sədri vəzifəsini icra edən Vüqar Qurbanov Bakıda gecə klubunda baş vermiş partlayışda xəsarət alanların səhhəti ilə bağlı jurnalistlərə açıqlamasında deyib.
Onun sözlərinə görə, vəziyyəti kritik olan xəstələrin yaxınları ilə mütəmadi əlaqə saxlanılır.
“Müraciətlərin 90%-i yanıq xəsarətləridir. Xəsarət alan şəxslər arasında travmatoloji sınıqla bağlı müraciət edənlər də var. Onlara da aidiyyəti üzrə yardım göstərilib”, - Vüqar Qurbanov deyib.
