"Fransa Prezidenti Emmanuel Makron iki ölkə arasında strateji əməkdaşlıq sahələrini, o cümlədən hərbi-texniki sahədə əlaqələri şəxsən müzakirə etmək üçün Serbiyaya iki günlük səfərə gəlib".
İqtisadiyyat.az xəbər verir ki, bunu Serbiya lideri Aleksandr Vuçiç deyib.
"Serbiyanın səmimi dostu və tərəfdaşı, Fransa Prezidenti Emmanuel Makron ilə bizim hər zaman müzakirə edəcəyimiz bir çox vacib mövzularımız var. Bu səfər zamanı əməkdaşlığımızı yaxşılaşdırmaq üçün strateji istiqamətləri nəzərdən keçirəcəyik. İqtisadi baxımdan yeni Fransa investisiyalarının gəlməsi, həmçinin vahid Avropa iqtisadi məkanına gedən yolda Parisə dəstək bizim diqqətimizdədir. Elm, texnologiya, innovasiya, təhsil, ekologiya, enerji və hərbi-texniki əməkdaşlıq sahələrində əməkdaşlıq nəzərdə tutulur", - Vuçiç İnstaqramda yazıb.
"Fransa bizim ümid etdiyimiz, arxalandığımız və işləməkdə davam etdiyimiz ölkədir ki, Serbiya və Fransa arasında münasibətlərin və əməkdaşlığın möhkəmləndirilməsi bizim tarixi əlaqələrimizə hörmət və inkişaf, eyni zamanda, ümumi gələcəyə aparan yoldur", - deyə Serbiya lideri qeyd edib.