"İyulun 18-də Böyük Britaniyada Blenheym sarayında baş tutacaq Avropa Siyasi Birliyinin dördüncü sammitinin əsas mövzusu Ukrayna və onu dəstəkləmək üçün Avropa qüvvələrinin birləşməsi olacaq".
İqtisadiyyat.az xəbər verir ki, bunu sammitdə iştirak etmək üçün Londona gələn Serbiya Prezidenti Aleksandr Vuçiç deyib.
"Onlar üçün əsas mövzu Ukrayna olacaq, bu məntiqlidir. Ukrayna Prezidenti Volodimir Zelenski bir daha geri çəkilməyəcəklərini nümayiş etdirmək, birlik nümayiş etdirmək üçün gəlir. Kimlərsə susub bütün bunları seyr edəcək", - Vuçiç Londonda serb jurnalistlərə bildirib.
Qeyd edək ki, sözügedən sammitdə 45 dövlət və hökumət başçısının iştirakı gözlənilir.
