İqtisadiyyat.az xəbər verir ki, bu barədə Hindistan Daxili İşlər Nazirliyinin məlumatında deyilir.
Qeyd edilib ki, Hindistanın immiqrasiya orqanları, pakistanlıların ölkəni tərk etmələri üçün verilən müddət aprelin 27-də başa çatdıqdan sonra hökumətin qərarının icrasını yoxlamaqda davam edir.
Məlumata görə, aprelin 24-dən indiyədək 537 Pakistan vətəndaşı Hindistanın Pəncab əyalətindəki Attari keçid məntəqəsi vasitəsilə ölkəni tərk edib.
Xatırladaq ki, Hindistan Xarici İşlər Nazirliyi aprelin 24-də Pakistan vətəndaşlarına vizaların verilməsini dərhal dayandırmaq və aprelin 27-dən əvvəl verilmiş sənədləri ləğv etmək barədə qərar elan edib. Pakistan vətəndaşlarına verilən tibbi vizalar isə yalnız aprelin 29-dək etibarlı olacaq. Buna səbəb isə Cammu və Kəşmir əyalətində 26 nəfərin ölümü ilə nəticələnən terror aktı olub.
Gözəl Azadəliyeva
