“Veysəloğlu-Rossmann” şirkəti mədəni sərvətlərin qorunması ilə bağlı qanunvericiliyin tələblərlərindən birini pozub.

İqtisadiyyat.az xəbər verir ki, bu pozuntu müvafiq qurum tərəfindən aşkarlanıb.

Buna görə də şirkət barəsində İnzibati Xətalar Məcəlləsinin 231.3-cü maddəsinə əsasən cərimə protokolu tərtib edilib.

Daha sonra protokol baxılması üçün Nəsimi Rayon Məhkəməsinə göndərilib və iş hakim Elməddin Hüseynovun icraatına verilib.

“Veysəloğlu-Rossmann”ın barəsində protokol tərtib olunan maddədə deyilir ki, mədəni və təbii irsin, o cümlədən “Tarix və mədəniyyət abidələrinin qorunması haqqında” Azərbaycan Respublikasının Qanununa uyğun olaraq tarix və mədəniyyət abidələrinin qorunması və istifadəsi üzrə tələblərin pozulmasına görə xəbərdarlıq edilir və hüquqi şəxslər min beş yüz manatdan iki min manatadək məbləğdə cərimə edilir.