"Son zamanlar vergi yoxlamalarında çalışanların keçmiş təcrübəsinin müxtəlif biznes sahələrindən olması yaxşı nəticələr verib. Bu cür əməkdaşlar yoxlamalar zamanı diqqət edilməli məqamları daha yaxşı bilirlər. Həmçinin də Vergi yoxlamalarının bir hissəsi transfer və bazar qiymətlərinin araşdırılmasını tələb edir. Bu kifayət qədər vaxt tələb edən prosesdir. Xaricdən transfer qiymətləri ilə məlumatların əldə edilməsi kimi proseslər bəzən aylarla vaxt tələb edir. Bununla da araşdırmaların aparılması daha uzun müddətə - 1 ilə qədər davam çəkir".
İqtisadiyyat.az xəbər verir ki, bu fikirləri "Rəqəmlərin ritmi” şüarı ilə keçirilən “Vergi və Mühasibatlıq Zirvəsi"ndə "EY Azərbaycan" şirkətinin Azərbaycan Respublikasındakı filialının Vergi və Hüquq məsələləri üzrə partnyoru Arzu Hacızadə bildirib.
Bir neçə tezis üzərində təqdimatları video vasitəsilə izləyə bilərsiniz.
"Maliyyə hesabatları və audit" paneli Azərbaycan Dövlət İqtisad Universitetinin maliyyə və mühasibat fakültəsinin dekan müavini Abdulkərim Sadıqovun moderatorluğu ilə keçirilən paneldə önəmli çıxışları təqdim edirik:
