İqtisadiyyat.az xəbər verir ki, ABŞ Prezidenti Donald Tramp Ağ Evdə keçirilən görüş zamanı Böyük Britaniya ilə mühüm ticarət sazişinin bağlandığını elan edib.

Tramp bildirib ki, hər iki ölkə üçün iqtisadi təhlükəsizlik milli təhlükəsizlik qədər önəmlidir. Onun sözlərinə görə, tərəflər xüsusilə polad kimi strateji əhəmiyyətli sənaye sahələri üzrə istehsal imkanlarının genişləndirilməsi, ixrac nəzarəti və müdafiə sahəsində qarşılıqlı əməkdaşlıq üçün səylərini birləşdirəcəklər.

Britaniyanın Baş naziri Kir Starmer isə videobağlantı vasitəsilə görüşə qatılıb. O, sazişin konkret detallarını açıqlamasa da, bunun tarixi razılaşma olduğunu vurğulayıb və gələcəkdə ikitərəfli əməkdaşlığın daha da dərinləşəcəyini qeyd edib.

Qeyd edək ki, iki ölkə arasında 10 faizlik ticarət tarifləri qüvvədə qalacaq və ABŞ-nin Britaniya bazarına çıxış imkanlarının genişlənəcək. Bu, Amerika ixracatçıları üçün əlavə olaraq 5 milyard dollarlıq yeni iqtisadi imkan yaradacaq.