"Vaqner" özəl hərbi şirkətinin rəhbəri Yevgeni Priqojinin də içində olduğu iddia olunan təyyarənin yerə çırpılmasından sonra diqqətlər digər təyyarəyə yönəlib.  Hadisədən sonra "Vaqner"ə məxsus RA-02795 bort nömrəli ikinci Embraer 600 biznes-jeti Ostafyevo hava limanına enib. 

İqtisadiyyat.az Flightradar24-ə istinadən xəbər verir ki, sözügedən təyyarə bu gün günorta Moskvadan Sankt-Peterburqa uçub, sonra isə geri qayıdıb.

Təyyarənin öncədən planlaşdırılan qrafikində avqustun 24-də, yəni sabah Moskvadan Bakıya uçuşun planlaşdırıldığı bildirilir.