Ümumdünya Ticarət Təşkilatının (ÜTT) fəaliyyəti planetdə 1,5 milyarddan çox insana yoxsulluq və səfalətdən qurtulmağa imkan verib.
İqtisadiyyat.az xəbər verir ki, bu barədə Dünya Ticarət Təşkilatının ilk qadın və afrikalı baş direktoru olan Nqozi Okonco İveala bildirib.
Onun sözlərinə görə, təşkilat öz işini davam etdirmək üçün yenidən beynəlxalq ictimaiyyətin bütün iştirakçılarının dəstəyinə ehtiyac duyur.
ÜTT rəhbəri beynəlxalq ticarətin dünyada münaqişələrin azaldılmasında müsbət rolunu da vurğulayıb:
"Görünür, insanlar çoxtərəfli ticarət sisteminin nə üçün 80 il əvvəl yaradıldığını unudurlar. Bunun səbəbi ticarətin sülh quruculuğunun tərkib hissəsi kimi görülməsi idi. Ölkələr bir-birindən asılı olanda və başqaları ilə danışıqlar apardıqda, onların münaqişəyə düşmə ehtimalı azalır".
Gözəl Həşimova