"Qlobal peyvənd səyləri ilə son 50 ildə 154 milyon insanın həyatı xilas edilib".

İqtisadiyyat.az xəbər verir ki, bu barədə Ümumdünya Səhiyyə Təşkilatının (ÜST) baş direktoru Tedros Adhanom Qebreyesus ÜST-nin həftəlik mətbuat konfransında bildirib.

Onun sözlərinə görə, peyvəndlər sayəsində çiçək xəstəliyi aradan qalxıb, bir vaxtlar sürətlə yayılan qızılca və pnevmoniya kimi bir çox xəstəliyin qarşısı indi asanlıqla alınır.

Bildirilib ki, 50 il ərzində ÜST və tərəfdaşlarının dəstəyi ilə peyvənd proqramları yaradılıb. ÜST uşaq, yeniyetmə və böyüklərin 30-a qarşı peyvənd əldə etməsinə kömək edir.

ÜST-nin Genişləndirilmiş İmmunlaşdırma Proqramı nəticəsində 1974-cü ildən bəri ən azı 154 milyon insanın həyatı xilas edilib. Peyvəndlərlə gündə 8 min, saatda isə 6 həyat xilas edilir.

 

Gözəl Həşimova