İqtisadiyyat.az xəbər verir ki, o bildirib ki, Rusiya lideri ilə ABŞ Prezidentinin xüsusi nümayəndəsi Stiven Uitkoff arasında keçirilən danışıqlar nəticəsində tərəflərin mövqeləri təkcə Ukrayna məsələsində deyil, digər beynəlxalq mövzularda da bir qədər yaxınlaşıb.

"Bu söhbət Rusiya və ABŞ arasında mövqelərin yalnız Ukrayna üzrə deyil, bir sıra digər beynəlxalq məsələlər üzrə də əlavə olaraq yaxınlaşmasına imkan verdi", – deyə Uşakov vurğulayıb.

Onun sözlərinə görə, görüş zamanı Rusiya ilə Ukrayna arasında birbaşa danışıqların bərpa edilməsi ehtimalı da müzakirə olunub. Üç saat davam edən görüşün konstruktiv atmosferdə keçdiyi qeyd olunub.

"The Spectator" jurnalının yazdığına görə, Ukraynadakı münaqişənin həlli məhz Vladimir Putinlə Uitkoff arasında Moskvada keçirilən görüşün nəticələrindən asılı olacaq. Jurnal qeyd edib ki, Avropa bu məsələdə seçim qarşısındadır: ya ABŞ-yə qoşulub Ukrayna Prezidenti Vladimir Zelenskini Ağ Evin rəhbərinin şərtlərini qəbul etməyə razı salacaq, ya da Vaşinqtonun dəstəyindən imtina etməsini kompensasiya etməyə çalışacaq.