“Unibank” 2023-cü ildə reklama 7 milyon 509 min manat vəsait xərcləyib.
İqtisadiyyat.az-ın hesablamasına görə, bu, 2022-ci ilə nisbətən 18,3% və ya 1 milyon 160 min manat çoxdur. 2022-ci ildə bankın reklam xərcləri 6 milyon 349 min manat təşkil edib.
Ümumilikdə, bankın cəmi xərcləri 111,07 milyon manat təşkil edib ki, bu da 2022-ci ilə nisbətən 14% çoxdur.
Bankın xərclərinin böyük hissəsini işçilərə ödənilən əməkhaqları təşkil edib. 2023-cü ildə “Unibank”ın işçi xərcləri 64,02 milyon manat təşkil edib.
Xatırladaq ki, “Unibank” 2002-ci ildə Azərbaycanın iki kommersiya bankı - "Mbank" və "Promtexbank"ın birləşməsi ilə yaradılıb. Onun nizamnamə kapitalı 149,4 milyon manatdır.
