"Qəzzanın şimalına girə bilməsək, 20-30 yox, minlərlə uşaq aclıqdan öləcək. Biz buna icazə verə bilmərik".

İqtisadiyyat.az xəbər verir ki, bu barədə Birləşmiş Millətlər Təşkilatının Ümumdünya Ərzaq Proqramının (WFP) baş iqtisadçısı Arif Hüseyn bildirib.

O qeyd edib ki, xüsusilə Qəzzanın şimalında uşaqlar aclıqdan ölür.

Qəzzanın şimalında aclıq elan etmək ərəfəsində olduqlarını ifadə edən Hüseyn vurğulayıb: "Humanitar yardım işçiləri üçün aclığı elan etmək kollektiv olaraq uğursuzluğa düçar olduğumuzu elan etmək deməkdir. Həmçinin biz uğursuzluğa düçar olduq və insanlar, uşaqlar aclıqdan öldü deməkdir".

Hüseyn buna görə aclıq baş verməmişdən əvvəl tədbir görülməli olduğunu vurğulayıb.

"Qəzzanın şimalına girə bilməsək, 20-30 deyil, minlərlə uşaq öləcək. Buna icazə verə bilmərik", - o, xəbərdarlıq edib.