Ukraynanın müdafiə naziri Rustem Umerov Ukrayna Prezidentinin ofisinin rəhbəri Andrey Yermakla birlikdə ABŞ-yə səfəri çərçivəsində Amerikanın müdafiə naziri Lloyd Ostin ilə görüşüb, cəbhədəki vəziyyət barədə məlumat veriblər.

İqtisadiyyat.az xəbər verir ki, bu barədə Ukrayna Prezidentinin ofisinin mətbuat xidməti məlumat yayıb.

Əvvəllər bildirilirdi ki, Umerov və Yermak ABŞ-yə səfər edəcəklər və orada Ukraynanın hava hücumundan müdafiəsi ilə bağlı problemlərin müzakirəsini davam etdirmək niyyətindədirlər.

Daha əvvəl Umerov bildirmişdi ki, Brüsseldə Avropa İttifaqı ölkələrindən olan həmkarları ilə görüşdə Ukraynanın hava hücumundan müdafiəsinin təmin edilməsində Avropa ölkələrinin iştirakını müdafiə edib.