"Özünü müdafiə etmək və rus işğalını dəf etmək üçün Ukraynanın təkcə siyasi və maliyyə dəstəyinə ehtiyacı yoxdur. İlk növbədə ona silah və sursat lazımdır, çünki mərmisiz silahlar yararsızdır".
İqtisadiyyat.az "Unian"a istinadən xəbər verir ki, bunu Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Jozep Borrel deyib.
O qeyd edib ki, Rusiyanın Ukraynadan qat-qat böyük mərmi ehtiyatı var və ukraynalılar bu fərqi öz canları ilə ödəyirlər. Borrelin sözlərinə görə, Aİ Ukraynanın suverenliyinin qorunması ideyasını dəstəkləməklə yanaşı, Ukraynaya bu məqsədə çatmaq üçün vasitələr verməyə bilməz.
"Biz hücuma məruz qalan ölkəyə ilk ölümcül hərbi texnikanın çatdırılmasını maliyyələşdirmişdik. Ukraynanı çox ehtiyacı olan sursatla təmin etmək üçün birlikdə çalışırıq”, - diplomat bildirib.
