2025-ci il üçün Ukrayna büdcəsinin kəsiri ümumi daxili məhsulun (ÜDM) 19,4%-i, 2024-cü ildə isə ÜDM-in 20,6%-i səviyyəsində planlaşdırılır.
İqtisadiyyat.az xəbər verir ki, bu barədə Ali Radanın deputatı İrina Geraşenko bildirib.
“2025-ci il üçün Ukrayna büdcəsinin kəsiri 37,6 milyard dollar və ya ÜDM-in 19,4 faizini təşkil edəcək. Gələn il Ukrayna təxminən 944 milyon dollar cəlb etməyi gözləyir. Donor dəstəyi olmadan iqtisadiyyatımız sağ qalmayacaq”, - deyə o qeyd edib.
Bundan əvvəl Baş nazir Denis Şmıqal hökumətin 2025-ci il dövlət büdcəsi layihəsini 1,6 trilyon qrivna (38,6 milyard dollar) kəsirlə təsdiq etdiyini açıqlayıb.
Gözəl Həşimova
