Ukraynanın bərpası üçün 486 milyard dollar vəsait lazımdır.
İqtisadiyyat.az xəbər verir ki, bu barədə Dünya Bankı, Birləşmiş Millətlər Təşkilatı, Avropa Komissiyası və Ukrayna hökumətinin proqnozunda deyilir.
Rusiya qoşunlarının ölkəyə daxil olmasından iki il sonra Ukrayna iqtisadiyyatını bərpa etmək üçün 486 milyard dollar tələb olunur. Bir il əvvəl ehtiyaclar 411 milyard dollar olaraq qiymətləndirilib.
Bu il Ukrayna hakimiyyətinə yenidənqurma və bərpa ilə bağlı prioritet vəzifələri həll etmək üçün 15 milyard dollar lazımdır. Bu məbləğin yalnız 5,5 milyard dolları Kiyevin və onun beynəlxalq tərəfdaşlarının resursları hesabına təmin edilir.
Döyüşlərin birbaşa zərəri 152 milyard dollar olaraq qiymətləndirilir. Ən çox zərər çəkən sahələr mənzil-kommunal təsərrüfatı, nəqliyyat, ticarət, sənaye, energetika və kənd təsərrüfatıdır.
Gözəl Həşimova
