Ukraynalıların 80%-dən çoxu Ukraynanın müharibədə qələbəsindən sonra rusların ölkəyə girişinə qadağa qoyulmasını dəstəkləyir.
İqtisadiyyat.az "Unian"a istinadla bildirir ki, bunu fevralın 22-dən martın 1-dək Ukraynada aparılan aparılan sorğunun məlumatları sübut edir. Qeyd olunur ki, 2022-ci ilin avqustunda 76% belə bir qadağanı dəstəkləyib, 14% isə dəstəkləməyib.
Respondentlərin Ukraynanın qələbəsindən və onun ərazilərinin işğaldan azad edilməsindən sonra Rusiya Federasiyası ilə bütün münasibətlərdə, rusların Ukraynaya girişinə tam qadağa qoyulana qədər, tamamilə kəsiləcəyini müdafiə edib-etməməsi sualına cavab olaraq, 82 % “bəli” cavabını verib, 9,5% isə "yox" deyib.
Bunu dəstəkləyənlərin nisbəti belədir: Qərb bölgəsində 94%, Mərkəzi bölgədə 85%, Şərq bölgəsində 75% və Cənub bölgəsində 56%. Qarşı çıxanların nisbəti müvafiq olaraq 3%, 9,5%, 14% və 18% təşkil edir.
