Amerikanın F-16 qırıcıları bir ildən sonra Ukraynaya təhvil verilə bilər.
İqtisadiyyat.az bu barədə “The Netherlands Times”a istinadən məlumat verir. Vaxtın bu cür təyin olunması ukraynalı pilotların qırıcıları idarə etməyi öyrənmələri üçündür.
“İlk ukraynalı pilotlar çox güman ki, 2024-cü ilin yayında təlimlərini başa vuracaqlar. F-16 mürəkkəb sistemdir və onu yaxşı idarə etməyi öyrənmək üçün vaxt lazımdır" – deyə Hollandiya silahlı qüvvələrinin komandanlığı bildirib.
Qeyd edək ki, Hollandiya və Danimarka 11 ölkənin bir hissəsi olaraq F-16 qırıcılarını idarə edəcək ukraynalı pilotların təlim proqramına daxildir. Financial Times-ın məlumatına görə, ukraynalı pilotların hazırlığı bu ilin avqustunda başlayacaq.
