“Taxıl sazişi” imzalandığından bu yana Ukrayna limanlarından ümumilikdə 21 milyon 43 min 307 ton kənd təsərrüfatı məhsulları ixrac edilib.

İqtisadiyyat.az bildirir ki, bununla bağlı BMT-nin son məlumatında qeyd edilib.

Bildirilir ki, Ukraynadan ixrac edilən məhsulların 47%-i qarğıdalı, 29%-i buğda olub. Günəbaxan yağı və un isə 5% yer tutur. 14% isə digər yüklərdir.

Malların göndərildiyi ölkələr arasında Çin 4,2 milyon tonla birincidir. İspaniya ikinci (3,8 milyon), Türkiyə isə üçüncüdür (2,4 milyon).