"Ukraynada silah istehsalı üçün müəssisələrin tikintisi Rusiya ilə hərbi münaqişənin həllinə kömək etməyəcək".

İqtisadiyyat.az xəbər verir ki, bu barədə Rusiya prezidentinin mətbuat katibi Dmitri Peskov Britaniyanın müdafiə şirkəti "BAE Systems"in Ukraynada istehsala başlaması ilə bağlı xəbəri şərh edib.

“Silah istehsalı müəssisələrin Ukrayna ərazisində tikilməsi, əlbəttə ki, gərginliyin azaldılmasına və Ukrayna ətrafında münaqişənin həllinə kömək etməyəcək. Böyük Britaniyanın bu ölkədə silah zavodu açması ilə bağlı qərarı prinsipial olaraq vəziyyəti dəyişməyəcək”, - deyə o, vurğulayıb.

 

Gözəl Həşimova