"Taxıl müqaviləsinin dayandırılması nəticəsində Ukraynada 32 milyon ton taxıl bloklanıb".

İqtisadiyyat.az xəbər verir ki, bu barədə Almaniyanın xarici işlər naziri Annalena Berbok Brüsseldə jurnalistlərə bildirib.

Nazir qeyd edib ki, aclıq və taxıl silah kimi istifadə edilməməlidir: "Yüz minlərlə, hətta milyonlarla insanın təcili olaraq Ukrayna taxılına ehtiyacı var. Ona görə də biz bütün beynəlxalq tərəfdaşlarımızla birlikdə çalışırıq ki, Ukraynada taxıl yaxın bir neçə həftə ərzində istifadəyə yararsız olmasın".