Ukrayna və Yaponiya 10 il müddətinə ikitərəfli təhlükəsizlik sazişi imzalayıb və buna görə, 2024-cü ildə Kiyev Tokiodan 4,5 milyard dollar alacaq.

İqtisadiyyat.az xəbər verir ki, bu barədə Ukrayna Prezidenti Volodimir Zelenskinin ofisi məlumat yayıb. 

"G7 (Yeddilik Qrupu) sammitində Yaponiyanın Baş naziri Fumio Kişida ilə birlikdə dövlətlərimiz arasında təhlükəsizlik sazişi imzaladıq. 2024-cü ildə Yaponiya Ukrayna 4,5 milyard dollar təmin edəcək və müqavilənin bütün 10 illik müddəti ərzində dövlətimizi dəstəkləyəcək", - məlumatda qeyd edilib.

Məlumata görə, saziş Kiyevə təhlükəsizlik yardımını, eləcə də humanitar, texniki və maliyyə sahələrində əməkdaşlığı nəzərdə tutur.

Eyni zamanda, Yaponiya qanunvericiliyinə və ölkənin hazırkı konstitusiyasına uyğun olaraq, Yaponiya Ukrayna tərəfini yalnız ölümcül olmayan texnologiya və avadanlıqlarla təmin edə biləcək.