İqtisadiyyat.az “Associated Press”ə istinadla xəbər verir ki, Papa çıxışında Ukraynada ədalətli və davamlı sülhün bərqərar olunmasının, Qəzzada isə dərhal atəşin dayandırılmasının zəruriliyini vurğulayıb.
O, eyni zamanda girovların azad olunmasına və humanitar yardımların münaqişə bölgələrinə fasiləsiz çatdırılmasına çağırış edib.
XIV Lev çıxışı zamanı İkinci Dünya Müharibəsinin başa çatmasından 80 il keçdiyini xatırladaraq, bu gün dünyada alovlanan qarşıdurmaları “Üçüncü Dünya Müharibəsinin fraqmentləri” adlandırıb və bu vəziyyəti qəti şəkildə qəbuledilməz hesab etdiyini bəyan edib.
