Ukrayna prezidenti Volodimir Zelenski Rusiya ilə hərbi əməliyyatların ikinci ildönümündə Kiyevə səfər edən Kanadanın Baş naziri Castin Trüdo ilə təhlükəsizlik sahəsində əməkdaşlıq haqqında saziş imzalayıb.

İqtisadiyyat.az xəbər verir ki, bu barədə Zelenski "Telegram" kanalında məlumat yayıb.

Onun sözlərinə görə, Kanada ilə saziş bu il Ukraynaya 3 milyard Kanada dollarından (2,2 milyard dollar) çox məbləğdə makromaliyyə və müdafiə yardımının ayrılmasını nəzərdə tutur: "Bu, güclü və vaxtında verilmiş qərardır və bu, dayanıqlığımızı artırmaq üçün mühüm töhfədir".

 

Gözəl Həşimova