Ukraynanın Kibertəhlükəsizliyi üzrə Milli Koordinasiya Mərkəzi ölkədə məmurlar və hərbi qulluqçuların “Telegram”dan rəsmi cihazlarda istifadəsinə qadağa tətbiq etmək qərarına gəlib.

Bu barədə İqtisadiyyat.az xarici KİV-lərə istinadən xəbər verir.

“Dövlət işçilərinin, hərbi qulluqçuların, təhlükəsizlik və müdafiə sektoru işçilərinin, eləcə də mühüm infrastrukturu olan müəssisələrin rəsmi cihazlarında “Telegram”ın quraşdırılması və istifadəsinin qadağan edilməsi barədə qərar qəbul edilib”, - məlumatda bildirilib.

Qeyd olunub ki, qadağa messencerdən xidməti vəzifələrinə uyğun istifadə edən şəxslərə şamil edilmir.

Xatırladaq ki, bu ilin yazında Ukrayna Müdafiə Nazirliyinin Baş Kəşfiyyat İdarəsinin rəisi Kirill Budanov “Telegram”ı ölkənin milli təhlükəsizliyi üçün problem adlandırmışdı.

 

Sadiq Cavadov