Ukrayna hökuməti pilotsuz təyyarələrin alınması üçün 5 milyard qrivna (təxminən 130 milyon dollar) ayırıb.

İqtisadiyyat.az xəbər verir ki, bu barədə ölkənin Baş naziri Denis Şmıqal bildirib.

Onun sözlərinə görə, vəsait cəbhə xəttində hərbçilər üçün lazım olan pilotsuz təyyarələrin alınmasına sərf olunacaq.

Bu il yerli hakimiyyət orqanları hərbi sənaye kompleksinin inkişafı üçün əlavə 1,36 milyard dollar, pilotsuz təyyarələrin istehsalı üçün isə 1 milyard dollardan çox vəsait əldə edib.

Qeyd edək ki, Ukraynanın builki büdcəsində 43,5 milyard dollar kəsir var.

 

Gözəl Həşimova