NATO Rusiya ilə münaqişənin gərginləşməsi risklərinə görə bu ilin iyulunda keçiriləcək sammitdə Ukraynanı alyansa qoşulmağa dəvət etməyəcək.

Bu barədə İqtisadiyyat.az “The New York Times”a istinadən xəbər verir.

Məlumata görə, blok ölkələri Kiyevə dəstəyi sübut edəcək ən yaxşı yardım variantını axtarırlar.

Bildirilib ki, blok iyulda NATO-nun sammitində Ukraynaya silah tədarükünü dəstək kimi nəzərdən keçirib, lakin eskalasiya riskləri səbəbindən bu variant bir neçə müttəfiq tərəfindən rədd edilib. Alyans həmçinin beş il ərzində 100 milyard dolların verilməsini müzakirə edib, lakin bu təklif də reallaşmamış qala bilər, çünki bütün NATO ölkələri siyasi və ya iqtisadi səbəblərə görə töhfə verə bilmir.

NATO-nun baş katibi Yens Stoltenberq Ukraynaya qarşıdakı bir neçə il üçün yardım planının hazırlanmasını tapşırıb.

 

Gözəl Həşimova