Ukrayna Müdafiə Nazirliyinin rəhbəri Oleksiy Reznikov Rusiya ilə münaqişə bitdikdən sonra NATO-dan Kiyevə alyansa dəvət zəmanəti verməsini tələb edib.
İqtisadiyyat.az xəbər verir ki, o, bu barədə Britaniyanın “The Guardian” qəzetinə bildirib.
“Biz realistik və mümkün olmayanı tələb etmirik. Ona görə də NATO-nun Vilnüs sammitindən gözləntilərimiz çox realdır: Ukrayna müharibədə qalib gəldikdən sonra NATO-ya üzv olmaq üçün dəvət zəmanəti almaq”, - Reznikov bildirib.
O, həmçinin bildirib ki, Ukraynanın bu tələbi müzakirə olunmur və Kiyev dəvət aldıqdan sonra dərhal üzvlük haqqında protokolu imzalamağa və sazişin ratifikasiyasına başlamağa hazırdır.
Xatırladaq ki, Ukrayna prezidentinin aparatının rəhbəri Andrey Yermak bir müddət əvvəl bildirmişdi ki, Kiyev sülh danışıqlarını yalnız prezident Vladimir Zelenskinin təklif etdiyi “sülh formulası” əsasında aparmağa hazırdır.
