Ukrayna ötən il ümumi daxili məhsula (ÜDM) nisbətdə hərbi xərclərin artımında dünya lideri olub və xərcləri ÜDM-in 37%-nə çatdırıb.

İqtisadiyyat.az xəbər verir ki, bu barədə Beynəlxalq Sülh Araşdırmaları İnstitutunun (SIPRI) hesabatında deyilir.

Məlumata görə, Ukrayna 2022-ci ildə hərbi xərclərə görə 11-ci yerdən 2023-cü ildə səkkizinci yerə yüksəlib.

Eyni zamanda, ölkənin müdafiə xərcləri 51% artaraq 64,8 milyard dollar təşkil edib. Bu, qlobal hərbi xərclərin 2,7%-ni təşkil edir.

Bildirilib ki, 2014-cü ildən bəri Ukraynanın hərbi xərcləri 1272% artıb.

 

Gözəl Həşimova