Ukrayna Prezidenti Volodimir Zelenski 2024-cü ildə hərbi ehtiyaclar üçün əlavə 500 milyard qrivna (12 milyard dollardan çox) ayrılması haqqında qanun imzalayıb.

İqtisadiyyat.az xarici mediaya istinadən xəbər verir ki, bu barədə Ali Rada məlumat yayıb.

Sentyabrın 18-də parlament Ukraynanın 2024-cü il dövlət büdcəsinə müdafiə və təhlükəsizlik sektoruna maliyyə dəstəyi ilə bağlı dəyişiklikləri təsdiqləyib. Beləliklə, 2024-cü ildə Ukrayna üçün xərclər rekord 3,73 trilyon qrivna (təxminən 90 milyard dollar) təşkil edir.

Bundan əvvəl Baş nazir Denis Şmıqal bildirmişdi ki, hökumət gələn ilin dövlət büdcəsi layihəsini 1,6 trilyon qrivna (38,6 milyard dollar) kəsirlə təsdiqləyib. Hökumət başçısı qeyd edib ki, bütün daxili resurslar yenidən müdafiə və təhlükəsizliyə yönəldiləcək. Onun sözlərinə görə, müdafiə xərcləri ən azı 2,22 trilyon qrivnaya (53,6 milyard dollar) qədər artacaq.