İyulun 1-dən Ukrayna ölkədə davam edən enerji böhranı ilə əlaqədar Macarıstan, Polşa və Slovakiyadan təcili elektrik enerjisi təchizatına başlayıb.

İqtisadiyyat.az xəbər verir ki, bu barədə "Ukrenerqo"nun mətbuat xidməti məlumat yayıb.

Məlumata görə, bu gün ərzində Rumıniya, Slovakiya, Polşa, Macarıstan və Moldovadan enerji idxalının ümumi həcmi 30 796 MVt/saat təşkil edib. Bir neçə saat ərzində maksimum güc 1595 MVt-a çatıb.

Ölkədə saatlıq elektrik enerjisinin kəsilməsi də davam edir. Elektrik kəsintilərinə əsas səbəb kimi 30°C-dən yuxarı olan istilər göstərilir. Şirkətdən verilən məlumata görə, 491 yaşayış məntəqəsi işıqsız qalıb.

 

Gözəl Həşimova