Ukrayna hökuməti Belarusla bağlanmış iki hökumətlərarası sazişə xitam verib.

İqtisadiyyat.az xəbər verir ki, bu barədə Nazirlər Kabinetinin Ali Radadakı nümayəndəsi Taras Melniçuk məlumat verib.

Məlumata görə, Ukrayna Belarusla regionlararası və sərhədyanı əməkdaşlıq haqqında sazişi ləğv edib. Sənəd 1997-ci il mayın 12-də Kiyevdə imzalanıb

Melniçukun sözlərinə görə, Ukrayna və Belarus arasında 22 may 2013-cü il tarixli regionlararası və sərhədyanı əməkdaşlıq haqqında hökumətlərarası sazişə də xitam verilib. Ukrayna hakimiyyəti mütəmadi olaraq Rusiya, Belarus, Suriya ilə, eləcə də MDB çərçivəsində bağlanmış müqavilələrdən çıxdığını elan edir.

 

Gözəl Həşimova