Ukrayna müdafiə nazirinin müavini Anna Malyar cənub cəbhəsindəki Robotin kəndinin Rusiya qoşunlarından azad edildiyini açıqlayıb.
İqtisadiyyat.az xəbər verir ki, Malyarın cəbhədəki vəziyyətlə bağlı bəyanatı Ukrayna Müdafiə Nazirliyinin Hərbi Mətbuat Mərkəzinin sosial media hesabında paylaşılıb.
Malyar Ukrayna ordusunun cənub cəbhəsində uğur qazandığını bəyan edərək bildirib: “Robotin xilas edilib və qoşunlarımız qəsəbənin cənub-şərqinə doğru irəliləyirlər”.
Malyar qeyd edib ki, indiyədək Bəhmut istiqamətində ümumilikdə 44 kvadrat kilometr ərazi xilas edilib.
Gözəl Həşimova
