Ukraynanın Şimali Atlantika Müqaviləsi Təşkilatına (NATO) qəbulu prosesi Kiyev üçün 10 il müddətinə ABŞ ilə də daxil olmaqla bir sıra ikitərəfli təhlükəsizlik sazişləri ilə dəstəklənəcək.
İqtisadiyyat.az xəbər verir ki, bu barədə ABŞ dövlət katibi Antoni Blinken məlumat verib.
"Biz iyul ayında Vaşinqtonda görüşəndə Ukraynanı alyansa inteqrasiya edən davamlı islahatları dəstəkləməklə Ukrayna ordusunun qurulmasında NATO-nun rolunu artırmaq üçün nəzərəçarpacaq addımlar atacağıq. Və Ukraynanın NATO ilə körpüsü bir sıra tamamlayıcı tədbirlərlə gücləndiriləcək. Təhlükəsizlik üzrə ikitərəfli sazişlər bağlanacaq. Hazırda 32 ölkə bu sazişlərin bağlanması üçün Ukrayna ilə danışıqlar aparır, onlardan doqquzu artıq tamamlanıb", - Kiyev Politexnik İnstitutunda çıxış edən Amerika diplomatiyasının rəhbəri bildirib.
Qeyd edəkki, ABŞ xarici siyasət idarəsinin rəhbəri çərşənbə axşamı səhər saatlarında elan olunmamış səfərlə Ukraynaya gəlib.
