"Twitter" sosial media platformasının mavi quş şəkilli loqotipi qara fonda ağ X ilə əvəz edilib. 

İqtisadiyyat.az dünya mediasına istinadən bildirir ki, amerikalı milyarder İlon Mask sosial media platforması olan "Twitter"in loqosunu dəyişəcəyini açıqlayıb. Maskın açıqlamasından bir neçə saat sonra "Twitter"in mavi quş loqosu "X" hərfi ilə əvəz olunub. 

Belə ki, "Twitter"in baş direktoru Linda Yaccarino sosial media paylaşımında "X burada" deyərək yeni loqotipi paylaşıb.

Şirkətin yeni brend strategiyasından sonra ödənişlər, bankçılıq və ticarət sahələrində addımlar atacağı gözlənilir.