"Twitter"in istifadəçilərin gündəlik mesaj göndərməsini məhdudlaşdırmağa hazırlaşdığı bildirilir. Mavi abunəsi olmayan, yəni təsdiqlənməmiş hesab istifadəçiləri üçün gündəlik mesajların sayı məhdudlaşdırılacaq.

İqtisadiyyat.az xəbər verir ki, bu barədə "Twitter"dən məlumat verilib.

"Twitter" verilən məlumatda qeyd edilib: "Birbaşa mesajlarda spamları azaltmaq səylərimizin bir hissəsi olaraq, tezliklə bəzi dəyişikliklər edəcəyik. Təsdiqlənməmiş hesabların göndərə biləcəyi mesaj sayı gündəlik olaraq məhdudlaşdırılacaq. Daha çox mesaj göndərmək üçün abunə olub, hesabı təsdiqlətmək lazım olacaq".