"Bavariya"nın almaniyalı baş məşqçisi Tomas Tuxel "Real Madrid"lə qarşıdakı qarşıdurmada kral komandasına müəyyən üstünlük verib.

Çempionlar Liqasının yarımfinal mərhələsinin cavab oyunu Madriddə keçiriləcək.

Münhendə "Bavariya" və "Real" heç-heçə oynayıb, 2:2. 

İqtisadiyyat.az xəbər verir ki, Tomas Tuxel oyun öncəsi jurnalistlər qarşısına çıxıb.

“Cavab oyununa çox yaxşı hazırlaşmışdıq. “Real”ın vəziyyətini müzakirə etməyəcəyik. Onların stadionunda qələbə qazanmaq çətin, lakin mümkündür.

İlk oyunu çox yaxşı keçirdik, amma təəssüf ki, qələbə qazana bilmədik. Öz meydan amilini nəzərə alsaq, “Real” 51-49 faizlə müəyyən üstünlük əldə edəcək.

Əla matç gözlənilir. Finala çıxmaq üçün buradayıq. Biz Uembliyə vəsiqə uğrunda mübarizə aparacağıq".

"Real" - "Bavariya" matçı mayın 8-də keçiriləcək və Bakı vaxtı ilə saat 23:00-da başlayacaq.