Türkmənistan Müstəqil Dövlətlər Birliyi (MDB) ölkələri ilə səmərəli əməkdaşlığa böyük əhəmiyyət verir.
İqtisadiyyat.az xəbər verir ki, bu barədə Türkmənistanın Xarici İşlər Naziri Rəşid Meredov Nazirlər Kabinetinin iclası zamanı bildirib.
Meredov Türkmənistan Prezidenti Serdar Berdiməhəmmədova MDB Hökumət Başçıları Şurasının mayın 24-də Aşqabadda keçirilməsi planlaşdırılan növbəti iclasına hazırlıq barədə məlumat verib.
O bildirib ki, mayın 20-də Türkmənistan Xarici İşlər Nazirliyində məlumat brifinqinin, mayın 23-də isə Aşqabadda işçi görüşün keçirilməsi planlaşdırılır.
Qeyd edək ki, mayın 24-də Aşqabadda MDB-yə üzv ölkələrin Hökumət Başçıları Şurasının iclası keçiriləcək. Əvvəlki görüş 2023-cü ilun oktyabrın sonunda Bişkekdə baş tutub.
Gözəl Həşimova
