Ötən ilin noyabr ayında Türkiyənin neft və neft məhsulları idxalı 4,7% artaraq 4 milyon 155 min 565 tona çatıb.

İqtisadiyyat.az xəbər verir ki, bu barədə Enerji Bazarını Tənzimləmə Qurumunun noyabr ayı üzrə “Neft Bazarı Sektoru Hesabatı”nda deyilir.

Hesabat dövründə ən çox xam neft və neft məhsulları idxalı 2 milyon 568 min 150 ton ilə Rusiyadan, 481 min 667 ton ilə İraqdan və 421 min 314 ton ilə Qazaxıstandan edilib.

Türkiyənin ümumi neft idxalında ən böyük maddəni təşkil edən xam neftin idxalı isə 12,6% artaraq 2 milyon 965 min 663 tona çatıb. Bu dövrdə dizelin idxalı 14,8% azalaraq 782 min 934 ton olub.

 

Gözəl Həşimova