Türkiyənin may ayında ixracı ötən ilin eyni ayına görə 11,3% artaraq 24 milyard 66 milyon dollara, idxalı isə 10,4% azalaraq 30 milyard 568 milyon dollara çatıb.

İqtisadiyyat.az xəbər verir ki, bu barədə Türkiyə Statistika Təşkilatı və Ticarət Nazirliyi birgə bəyanat yayıb.

Hesabat dövründə xarici ticarət kəsiri may ayında 48% azalaraq 6 milyard 502 milyon dollar olub.

Bu ilin yanvar-may dövründə ixrac ötən ilin eyni dövrü ilə müqayisədə 4,5% artaraq 106 milyard 877 milyon dollara, idxal isə 9,2% azalaraq 143 milyard 682 milyon dollara çatıb. Bu dövrdə xarici ticarət kəsiri 34,3% azalaraq 36 milyard 805 milyon dollara düşüb.

 

Gözəl Həşimova