Türkiyənin "İlk İnşaat Taahhüt Sanayi və Ticaret Anonim” şirkətinin Azərbaycandakı filialının fəaliyyətində nöqsanlar aşkarlanıb.

İqtisadiyyat.az xəbər verir ki, Əmək və Əhalinin Sosial Müdafiəsi Nazirliyinin apardığı yoxlamalar nəticəsində şirkətin əmək qanunvericiliyini pozduğu məlum olub.

Buan görə də nazirlik şirkət barəsində İnzibati Xətalar Məcəlləsinin 192.1-ci maddəsinə əsasən cərimə protokolu tərtib edib.

Daha sonra protokol baxılması üçün Nəsimi Rayomn Məhkəməsinə göndərilib və hakim Elməddin Hüseynovun icraatına verilib. 

Əgər məhkəmə protokolu təsdiq edərsə, Türkiyə şirkətini 25 000 manatadək cərimə gözləyir.

Şirkətin barəsində cərimə protokolu tərtib olunan maddədə deyilir ki, Əmək Məcəlləsində nəzərdə tutulmuş qaydada əmək müqaviləsi (kontraktı) hüquqi qüvvəyə minmədən işəgötürən tərəfindən fiziki şəxsləri hər hansı işlərin (xidmətlərin) yerinə yetirilməsinə cəlb edilməsinə görə hüquqi şəxslər iyirmi min manatdan iyirmi beş min manatadək məbləğdə cərimə edilir.