Bu gün Türkiyədən 633,6 min ədəd yumurtanın növbəti partiyası Rusiyaya idxal edilib.

İqtisadiyyat.az xəbər verir ki, bu barədə “Rosselxoznadzor”un mətbuat xidməti məlumat yayıb.

Məlumata görə, ümumillikdə Türkiyədən Rusiyaya 1,2 milyon yumurta tədarük edilib. Yumurtalar "Yaraq-Kazmalyar" keçid məntəqəsi vasitəsilə idxal edilib.

Departamentdən bildirilib ki, yüklər anbara daxil olduqdan sonra qida məhsullarının keyfiyyəti və təhlükəsizliyini təmin etmək üçün nümunə götürülüb.

Bundan əvvəl "Rosselxoznadzor" Azərbaycandan Rusiyaya 1,5 milyon yumurtanın artıq tədarük edildiyini bildirib.

 

Gözəl Həşimova