Ötən ay Türkiyədə son 53 ilin ən isti iyul ayı olaraq qeydə alınıb. Ən yüksək temperatur 45,9 dərəcə ilə Şırnakın Cizre rayonunda olub. 

İqtisadiyyat.az xəbər verir ki, bu barədə ölkənin ətraf mühit, şəhərsalma və iqlim dəyişikliyi naziri Murat Kurum sosial mediada verdiyi açıqlamada bildirib.

Son 53 ilin ən isti iyul ayı olduğunu bildirən Kurum ən yüksək temperaturun 45,9 dərəcə ilə Cizrede, ən aşağı temperaturun isə 5,2 dərəcə ilə Ərzurumda təsbit edildiyini qeyd edib. 

Kurum bazar ertəsi günündən etibarən temperaturların artmağa davam edəcəyini bildirib və vətəndaşlardan daha diqqətli olmalarını istəyib.