Türkiyədə işsizlik səviyyəsi bu ilin ikinci rübündə birinci rüblə müqayisədə dəyişməyərək 8,8% olub.

İqtisadiyyat.az xəbər verir ki, bu barədə Türkiyə Statistika Təşkilatı (TÜİK) aprel-iyun ayları üçün işçi qüvvəsi statistikasını açıqlayıb.

Müvafiq olaraq, 15 yaşdan yuxarı olan işsizlərin sayı bu ilin ikinci rübündə 23 min nəfər artaraq 3 milyon 156 min nəfərə çatıb.

İşsizlik səviyyəsi kişilər üçün 7,3 faiz, qadınlar üçün isə 11,7 faiz təşkil edib. Hesabat dövründə məşğul əhalinin sayı isə 205 min nəfər artaraq 32 milyon 661 min nəfərə çatıb.

 

Gözəl Həşimova